~* Agar ham kahein aur vo muskuraa dein *~

Agar ham kahein aur vo muskuraa dein,
Ham unke liye zindagani lutaa dein,

Har ik mod par ham gamon ko saza dein,
Chalo zindagi ko muhabbat bana dein,

Agar khud ko bhule to kuch bhi na bhule,
Ke chahat mein unki Khuda ko bhula dein,

Kabhi gam ki aandhi jinhein chu na paye,
Wafa ke ham vo nasheman bana dein,

Qayaamat ke deewane kahte hain hamse,
Chalo unke chehare se parda hataa den,

Saza de sila de, bana de mita dein,
Magar vo koi faisala to suna dein...