Topic Of The Week !!

Manzil Door Or Safar Bohat Hai
Choti Si Zndgi Ki Fikar Bohut Hai
Maar Daalti Ye Dunya Kab Ki Humen Lekin
Shayad Kisi Ki Duaon Mai Asar Bohat Hai

Ghayal hue hum bhi wo kaha.n dekh raha hai
Bas apne hi zakhmon ke nisha.n dekh raha hai

Us shakhs ko ulfat mein na mil payegi manzil
Is raah mein jo sood-o-ziya.n dekh raha hai
Khushiyon ne diye dokhe use itne ke wo ab
Har simt fazaaon mein khizaa.n dekh raha hai
Afsos hai too apne usoolon ko bhulaa kar
Ghairon ke tareeqon mein amaa.n dekh raha hai
Ladte hue firqon mein sulah usne karaai
Ab jaltaa hua apna makaa.n dekh raha hai

Sood-o-ziyan = Profit & Loss
Amaan = Safety
Firqon = Groups

Written By riyaz106

Aise chup hai ke ye manzil bhi kadii ho jaise,
Tera milna bhi judaai ki ghadi ho jaise,

Apane hi saaye se har gaam laraz jaata hun,
Raste mein koi deewar khadi ho jaise,

Manzilein duur bhi hai manzilen nazadik bhi hai,
Apane hi paaon mein zanjeer padi ho jaise,

Kitne naadan hai tere bhulane vale ke tujhe,
Yaad karne ke liye umr padi ho jaise,

Aaj dil khol ke roye hai to yu khush hai,
Chand lamhon ki ye raahat bhi badi ho jaise...

Author : Ahmed Faraz

Nahi nigaah mein manzil to justajuu hi sahi,
Nahi visaal mayassar to aarazu hi sahi,

Na tan mein khoon faraham na ashk aankhon mein,
Namaaz-e-shauq to vajib hai be-vazu hi sahi,

Kisi tarah to jame bazm maikade vaalo,
Nahi jo baada-o-saagar to haa-o-huu hi sahi,

Gar intazaar kathin hai to jab talak ai dil,
Kisi ke vaada-e-farda ki guftaguu hi sahi,

Dayaar-e-Gair mein maharam agar nahi koi,
To zikr-e-vatan apane ru-ba-ru hi sahi...

Ulfat ki nai manzil ko chala, tu baahein daal ke baahon mein,
Dil todne wale dekh ke chal, ham bhi to pade hai raahon mein,

Kya kya na jafayein dil pe sahi, par tum se koi shikava na kiya,
Is jurm ko bhi shamil kar lo, mere maasum gunahon mein,

Jahaan chandni raaton mein tum ne khud hamse kiya iqaraar-e-vafa,
Phir aaj hai ham kyun begane, teri beraham nigahon mein,

Ham bhi hai wahi, tum bhi ho wahi, ye apani-apani qismat hai,
Tum khel rahe ho khushiyon se, ham doob gaye hai aahon mein...

Taskeen na ho jis say wo raz badal dalo .
Jo raz na rakh paye ,humraz badal dalo.
Tum ne bhi suni ho ge ik aam kahawat hai.
Anjam ka ho khatra aaghaz badal dalo.

Pur soaz dilon ko jo muskan na day paye.
Sur hi na milay jis main wo saaz badal dalo.
Dushman k iradon ko hai zair agar karna.
Tum khail wohi khailo andaz badal dalo.
Ae Dost karo himmat kuch door sawira hai.
Gar chahtay ho manzilparwaz badal dalo.

Topic of The Week is
“ Dhoka “

Ajnabi Si Raahon Ka,
Ajnabi Musafir Ek,
Mujhse Puchh Baitha Hai,
Raasta Bata Doge,
Ajnabi Si Raahon Ke
Ajnabi Musafir Sun,
Raasta Koi Bhi Ho,
Waasta Koi Bhi Ho,
Manzilein Nahi Milti,
Manzilein To Dhoka Hai,
Manzilein Gar Mil Jayein,
To Justajoo Nahi Rehti
Zindagi Ko Jeene Ki
Aarzu Nahi Rehti...

Chaand ne, chaandni ne, taaron ne
Dil jalaya bohut shararon ne

Kya khabar kis tarha guzari hai
Zindagi ranj-o-ghum ke maaron ne
Khoob uraya mazaq mehfil men

Dastaan sun ke meri yaaron ne
Kar ke nazdeek aaj manzil ke
Mujh ko dhoka diya saharon ne

Mujh ko jeene ka hausla bakhsha
Teri aankhon ke in isharon ne

Shikwa karte khiza'n se kya
Loota dil ka chaman baharon ne...

Sochti Aur Jagti Saanson Ka Ek Dariya Hoon Main,
Apne Gumgashta Kinaron Ke Liye Behta Hoon Main,

Jal Gaya Sara Badan In Mausamo Ki Aag Mein,
Ek Mausam Rooh Ka Hai Jism jisme Ab Zinda Hoon Main,

Mere Hothon Ka Tabassum De Gaya Dhoka,
Mujhko Baagh Jana Dekh Le Sehra Hoon Main,

Dekhiye Meri Pazeerai Ko Ab Aata Hai Kaun,
Lamha Bhar Ko Waqt Ki Dehleez Par Aaya Hoon Main...

Topic of the Week is
“ Afsana “

Ret par likh ke mera naam mitaya na karo,
Aankhen sach bolti hai pyar chupaya na karo,

Log har baat ka afsaana bana lete hai,
Sab ko haalat ki rudaad sunaya na karo,

Ye zaruri nahi har shakhs masiha hi ho,
Pyaar ke zakhm amaanat hai dikhaya na karo,

Shahar-e-ehasaas mein patharav bahut hai,
Dil ko shishe ke jharonkhon mein sajaya na karo...

Topic of the Week is
“Darkan”

dosti aisi ho ke darkan mein bas jaye,
saans bhi lo yoon ke khushboo uski aaye,
pyar ka nasha ankhon par chaaye,
baat koi bhi ho par naam ussi ka aaye....

Topic Of The Week !! - Page 3 Blueangelbelldivider

Topic Of The Week !! - Page 3 Blueangelbelldivider

Meri Dhadkaon me aaj bhi ,
bas intazaar hai,
aayega shaayad Tu kabhee,
bas Tera intzaar hai"..........
Tuli..

Dil Ki Dhadkan Ko Dhadka Gaya Koi
Mere Khawabon Ko Mehka Gaya Koi ,
Hum To Anjanay Raston Pe Chal Rahay The
Achanak Hi Pyar Ka Matlab Sikha Gaya Koi..!

Chehre pe layee muskaan aapki yaadein,
Har saans layee tufan aapki yaadein,
Dil yun hi to nahin dhadakta aise,
Har dhadkan mein samai aapki yaadein...

Meri Saanson ko jo chhoo kar jo mahkaaya tune,
Dil me bas kar mere dil Dhakaaya tune,
Hum baithe the jaise jeena hi hum bhool gaye,
Apni aahat se bhari need me jagaaya tune"............

"Jo bas jata hai dharkan main ussey bhula nahin
karte
Kisi ko dil dete waqt bohut socha nahi karte"........

Dil pe apne maine tera naam likh diya,
Har subah har shaam har lamha tere naam kar diya,
Dhadkano mein saanson mein khawabon mein basa liya tujhe,
Apni har khushi har armaan tujh par qurbaan kar diya

Topic of this week is
“Maujod”

Un raho pe hum nahi chal sakte
jinke us paar tu maujood hai
Hamara safar hamari manzil
tere kaaran mehdood hai
Tere liye hum unme se hai
jo tere mehsood hai
Tu hume kya chahega
nahi hum tere wadood hai
Nahi mil sakenge hum
jo sadiyo se itne saare hudood hai

Kal chaudhavi ki raat thi shab bhar raha charcha tera,
Kuch ne kaha ye chand hai kuch ne kaha chehara tera,

Ham bhi vahi maujood the ham se bhi sab pucha kiye,
Ham hans diye ham chup rahe manzur tha parda tera,

Is shahar mein kisase mile ham se to chhuti mehefilein,
Har shakhs tera naam le har shakhs deewaana tera, :(:

Kuche ko tere chhod kar jogi hi ban jaayein magar,
Jungal tere parbat tere basti teri sahara tera,

Bedard sunani ho to chal keheta hai kya achhi Gazal,
Aashiq tera rusava tera shaayar tera "Main" bhi tera...

Ae Chand Zara Dhire Chamak,
Ye Teri Chamak Ki Raat Nahi
Ek Chand Maujood Hai Is Zamin Par Bhi,
Akele Teri Chamak Me Koi Baat Nahi !!

Ab ke saa-at bicahdney ki maujood hai..
dayemi hijr ka aa gaya marhala..
khushk aankhon me hasrat liyey teri phir..
kah rahi hoon tumhein ab chalo ALWIDAA!!!!
Kuch purani kitabon ke aaoraq me
jab bhi sookhey gulaob ki khushboo miley
un se kahna kaha main ne hai Alwidaa!!!
ab ke saa-at bicahdney ki maujood hai..
kanch ki choodyion se kuredi hui..
geelei deewar ke naam ko alwida!!!
Bench par jo sajayey they bootey kayi..
khurduri..bench ki..satha ko ALWIDA!!!
jab..kisi shaam aahat pe guzrey gumaan
ke milein hum issi tarha aor iss jahga...
tum ye karna DUA..
iss zameen pe dobara se HUM TUM milein..
ban ke khushboo kabhi
ban ke titili kabhi..
raushni ban ke bikhrein issi tarha hum..
ab ke saa-at bichandney ki maujood hai...
Khushk aaonkho mein hasrat liyey teri phir..
kah rahi hoon tumhein..
AB CHALO ALWIDAA!!